რა კრიტერიუმებს უნდა აკმაყოფილებდეს საზაფხულო სკოლა

                      საზაფხულო სკოლის მოწყობა 

                         (ამ აქტივობაში მოიაზრება საზაფხულო ბანაკის მოწყობაც) 

ამ აქტივობის ფარგლებში 1 კრედიტქულა მიენიჭება ერთ ან ორ მასწავლებელს, რომლიც ორგანიზებას უწევს და ხელმძღვანელობს საზაფხულო სკოლას.

საზაფხულო სკოლის ხელმძღვანელი მასწავლებელი ვალდებულია, მონაწილეობის მსურველთათვის უზრუნველყოს სკოლის ვებ-გვერდზე, ან სოციალურ ქსელში სკოლის გვერდზე, ან საკუთარ ბლოგზე საზაფხულო სკოლის საქმიანობის შესახებ შემდეგი ინფორმაციის განთავსება:

1.   საზაფხულო სკოლის განაცხადი და მიღების/დაშვების პირობები და ვადები;

2.   საზაფხულო სკოლის სამუშაო პროგრამა;

3.   სკოლის  ვებ-გვერდზე  აიტვირთება  საზაფხული  სკოლის  მუშაობის  ამსახველი  ფოტო/ვიდეო  მასალა/შესაბამისი

ბმული.

2 ამ აქტივობაში მოიაზრება საზაფხულო ბანაკის მოწყობაც.

-----------------------------------------------------------------------------------------------------------------

მასწავლებლის მიერ შეფასების ჯგუფისთვის წარსადგენი დოკუმენტაცია:

საზაფხულო სკოლის ხელმძღვანელმა მასწავლებელმა e-school-ში, საკუთარ პროფესიულ საქაღალდეში, უნდა განათავსონ შემდეგი დოკუმენტაცია:

1.   საზაფხულო სკოლის განაცხადის ბმული და სამუშაო პროგრამა;

2.   მშობლისა და მოსწავლის შეფასება;3

3.   საზაფხულო სკოლის ორგანიზატორი მასწავლებლების რეფლექსიები, სადაც თითოეულს კონკრეტულად ექნება გაწერილი და გამიჯნული მათ მიერ ჩატარებული სამუშაოები და ფუნქცია მოვალეობები;

4.   ბმული, რომელზეც ატვირთულია საზაფხულო სკოლის აქტივობების ამსახველი ფოტო-/ვიდეომასალა.

--------------------------------------------------------------------------------------------

3 საზაფხულო სკოლის ხელმძღვანელი ვალდებულია, უზრუნველყოს საზაფხულო სკოლაში მონაწილე მოსწავლეებისა და მათი მშობლების გამოკითხვა საზაფხულო სკოლის საქმიანობის შესახებ. გამოკითხვის შედეგები აისახება „საზაფხულო სკოლის ხელმძღვანელი შეფასების ფორმაში“. ამისათვის მასწავლებელს შეუძლია გამოიყენოს გამოკითხვის სხვადასხვა ფორმა, მათ შორის, მის მიერ შექმნილი კითხვარი, რომელიც იძლევა მისი შეფასების საშუალებას „საზაფხულო სკოლის ხელმძღვანელი   მასწავლებლის შეფასების ფორმაში“ წარმოდგენილი კრიტერიუმების მიხედვით. გამოკითხვის შედეგები აიტვირთება მასწავლებლის პროფესიულ საქაღალდეში.

---------------------------------------------------------------------------------------------

მასწავლებლის შეფასების ჯგუფი განიხილავს: სკოლის

ვებ-გვერდზე განთავსებულ  ინფორმაციას, აფასებს საზაფხულო სკოლის 

ხელმძღვანელი მასწავლებლის/მასწავლებლების მიერ წარმოდგენილ 

დოკუმენტაციას და იღებს გადაწყვეტილებას მათთვის კრედიტქულის

 მინიჭების შესახებ.

 საზაფხულო სკოლის ხელმძღვანელი მასწავლებლის შეფასების სქემა:

შეესაბამება - 1 ქულა; არ შეესაბამება - 0 ქულა. 

	კრიტერიუმები	შეესაბამება	არ შეესაბამება
1	პროგრამაში მკაფიოდ არის ჩამოყალიბებული საზაფხულო სკოლის მიზანი/მიზნები და მისი/მათი მიღწევის გზები
2	დაგეგმილი აქტივობები და გამოყენებული რესურსები სრულად შეესაბამება და ემსახურება საზაფხულო სკოლის მიზნის/მიზნების მიღწევას
3	რეფლექსიაში დასაბუთებულია საზაფხულო სკოლის მნიშვნელობა და აქტუალურობა
4	რეფლექსიაში აღწერილი და გაანალიზებულია როგორც რისკები და საფრთხეები, რომლებსაც შეეძლო გავლენა მოეხდინა საზაფხულო სკოლის მუშაობაზე, ასევე მათი თავიდან აცილების/აღმოფხვრის მიზნით გატარებული ღონისძიებები
5	რეფლექსიაში მასწავლებელი აღწერს, აანალიზებს და აფასებს მის მიერ გაწეულ სამუშაოს საზაფხულო სკოლის მუშაობაში
6	რეფლექსიაში მასწავლებელი აანალიზებს მუშაობის დროს გამოვლენილ ხარვეზებს / დაშვებულ შეცდომებს და გამოაქვს სათანადო დასკვნები, სახავს საკუთარი საქმიანობის გაუმჯობესების გზებს
მშობლისა და მოსწავლის შეფასება
7	საზაფხულო სკოლის მოწყობის შესახებ ინფორმაცია დროულად ხელმისაწვდომი იყო ყველა დაინტერესებული პირისთვის
8	საზაფხულო სკოლის საქმიანობა მორგებული იყო მოსწავლეთა ინტერესებზე, საინტერესო და მრავალფეროვანი აქტივობები ხელს უწყობდა მათ მრავალმხრივ განვითარებას
9	საზაფხულო სკოლაში შექმნილი იყო კეთილგანწყობილი, მეგობრული გარემო
10	საზაფხულო სკოლით გათვალისწინებული აქტივობების განხორციელებისას  დაცული იყო უსაფრთხოების ზომები

კრედიტქულების მინიჭება:

 საზაფხულო სკოლის ხელმძღვანელი მასწავლებლის შეფასების მაქსიმალური ქულაა 10. იმისათვის, რომ მასწავლებელს

მიენიჭოს 1 კრედიტქულა, მან უნდა დააგროვოს ქულათა მაქსიმალური რაოდენობა.